Friday, April 28, 2006

நாயுடுஹால்



ஞாயித்துக் கெழமை மட்டும்தான் நான் வீட்டுல இருக்கறது. அன்னிக்கிதான் வீட்டுல பறக்கறது, நீந்தறது இல்ல நடக்கறதுகளை கொழம்புல பார்க்க முடியும். அப்படித்தான் போன ஞாயித்துக்கெழமை மதியசாப்பாட்டை ஒரு கட்டு கட்டிட்டு மப்பிலே ( சாப்பிட்ட களைப்புதான் வேற ஏதுமில்லை ! சாப்பாடு கொஞ்சம் ஹெவியில்லையா?) ஒரு குட்டித் தூக்கம் போட்டுகிட்டு இருந்தேன். சாயங்காலமா அப்படியே ஏரியா ரவுண்டப் நம்ம wave length உள்ள நண்பனோட ப்ளான் பன்ணி வச்சிருந்தேன். ஆயிரம்தான் சொல்லுங்க ‘ ஏப்ரல் மேயிலே பசுமையே இல்லே !' ரேட்டுல நடந்தா கண்கொண்டு பார்க்க ஒண்னு கூட இல்லை ! ம்ம்ம் .....

அப்படியே ஒரு நாலுமணிக்கு எந்திரிச்சா நம்ம உடன்பிறப்பு மந்தகாசப் புன்னைகையோட எதிர்ல பார்த்துக் கேட்டுச்சு

“ எனக்கு ஒரு சுரிதார் வாங்கனும் T.Nagar போகலாம் வர்ரீயா? "

“அதெல்லாம் முடியாது நான் என் friend கூட வெளிய போகப்போறேன்”

“ எப்பவும்தான் அந்த தருதலைப் பயகூடதானே சுத்தறே ! இன்னிக்கு மட்டும் வாயேன் அப்படியே முருகன் இட்லிகடையிலே சாப்பிட்டுட்டு வந்துடலாம் ! “ இது உடன்பிறவா சிஸ்டர்.

ஆஹா சாப்பாட்டு விசயத்திலே நம்ம வீக் பாயிண்டை புடிக்கறாங்களே ! ஏதோ பாச மழையிலே சொல்றாங்கன்னு நெனைக்கதீங்க.நான் ஒரு இலவச டிரைவர் அவங்களுக்கு. இல்லேன்னா ஆட்டோவில்தானே போகனும்?

‘ நீங்க பாட்டுக்கு சேலைபாக்கறேன் சுரிதார் பாக்கறேன்னு சுத்திகிட்டு இருப்பீங்க நான் என்ன பண்றது ? “

“ நாங்க கூப்டா இப்படித்தான் பேசுவே . பாக்கத்தானே போறேன் நீ பொண்டாட்டிக்கு கூஜா தூக்கரதை.அப்போ போவே பாரு. கூடப்பொறந்தவளுக்கு ஒரு உதவி செஞ்சுடாதே. “ உடன்பிறப்பு AK 47 னாக மாறி வசவு மழை பொழிய ஆரம்பித்தது ஏண்டா சொன்னோம்னு ஆகிப்போச்சு .”சரி சரி கத்தாதே கெளம்பி வர்றேன் “ கெளம்பினோம். T Nagar ல் வழக்கம்போல கே கொள்ளைன்னு கூட்டம். வண்டிக்கு பார்க்கிங் கிடைப்பதற்குள் தாவு தீர்ந்துபோச்சு !

சில பல கடைகளைப் பார்த்தும் உ.பி ( உடன் பிறப்பு)க்கு திருப்தி ஏற்படவில்லை. சரி கொஞ்சம் பெரிய கடையிலதான் பார்த்தா என்னன்னு நாந்தான் சொன்னேன்
“ நாயுடு ஹாலில்” பாருங்களேன். ஒருவேளை நீங்க நெனைக்கற டிசைன்

கெடைக்கலாம் ”
“ சரி போலாம்”
“ நீங்க பாட்டுக்கு பார்த்துகிட்டு இருங்க. நான் அப்படியே பாண்டிபஜாரில ஒரு ‘வாக்’ போய்ட்டு வாறேன்” இதுக கூட இருந்தா எப்படி? ‘கட்டுசோத்துக்குள பெருச்சாளியக் கட்டுன’ மாதிரி அங்க என்ன பார்வை இங்க என்ன பார்வைன்னு நம்மளை பிண்ணிப் பெராண்டியெடுத்துடும்.

“ டேய் நீ எங்கே போறே வா வந்து ‘ suggestion சொல்லு. அப்படியே தப்பிக்க பாக்கறே? “ என் நெனப்புக்குள் மண் !

வேண்டா வெறுப்பாக உள்ளே நுழைந்தேன். அய்யோ எவ்ளோ கலரு !!! விக்கறதுல இருந்து வாங்கறதுக எல்லாமே பொண்ணுகதான். ஆங்காங்கே சில ஆண்கள் கவலை தோய்ந்த முகத்தோடு தென்பட்டார்கள். 'அட போக்கத்தவனுகளா எதுக்கு இப்படி எளவூட்டுல இருக்கர மாதிரி நிக்கரானுவ சுத்திமித்தி பார்வைய ஓட்டவேண்டியது தானே பைத்தியங்கோளி பசங்க !!! '

கம்பீரமாக முதல் மாடி ஏறினேன். சரி ஒரு சுரிதார் தானே எவ்ளோ நேரம் ஆகிடப் போகுது என அலட்சியாம இருந்தேன். கண்ணு ஒரு எடத்துல தங்க மாட்டேன்னு அடம் புடிச்சது. அப்படியே பராக்குப் பார்த்துகிட்டு இருக்கரபோதான் மண்டையில் ஒரு ‘கொட்டு’ எவண்டா இதுன்னு திரும்பினா வேற யாரு?. உடன்பிறப்புதான்.

‘அங்கே என்ன பார்வை வேண்டி கெடக்கு? இந்த ட்ரெஸப் பாரு நல்ல இருக்கா? “

“ ஓ சூப்பர் !”

“ ஆனா வெலை ஜாஸ்தி.இதுக்குப் போய் இவ்ளோ கொடுக்க முடியாது !” ஒரே statement ல் item reject ஆனது.

‘ பின்னே எதுக்கு என்னைய கேட்டியாம்? “

“ ஏன் சொல்லமாட்டீங்களோ ? “ சரியா மாட்டிக்கிட்டேன். ஒவ்வொரு முறையும் எதாவது தென்படுவதைப் பார்த்தால் போதும் பொருக்காது இதுகளுக்கு! சஜசன் கேட்க வேண்டியது. பின் திட்ட வேண்டியது.

“ காட்டன் சுரிதார் எடுத்துக்க.அதான் இந்த வெயிலுக்கு நல்லது தவிர பொண்ணுகளுக்கு அது ‘ரிச்’ லுக் கொடுக்கும் ! “

“சரி சரி அடங்கு எங்களுக்குத் தெரியும் ! “

நம்ம நாலெட்ஜை உபயோகப் படுத்த விடமாட்டேங்கறாங்களே !

நம்ம நிலைமை தேன் பாட்டிலுக்குள் நுழைந்த எறும்புபோலாகிவிட்டது. சுத்தியும் ஏராளம தீனியிருந்தாலும் அதை திங்க முடிய மாட்டேங்குதே !!
எனக்கு வேணும் . எனக்கு வேணும் .

லேடீஸ் காலேஜ் விடுரப்போ எதிரில் இருக்கும் பஸ் ஸ்டாப்பில் நின்னீங்கன்னா தப்பிச்சுக்கலாம். ரொம்ப ஆசைப்பட்டு காலேஜ் பக்கத்திலே இருக்கற ஸ்டாப்புல நின்னீங்கன்னா அவ்ளோதான் நீங்க அம்பேல். லேடீஸ் ஸ்பெசல் பஸ்சில் ஏறியவன் கதி ஆகிப்போச்சு என் நிலைமை இப்போ!

முதல் மாடியில் ஆரம்பிச்சு இப்போ மூணாவது மாடியிலே இருக்கோம். இன்னும் ஒரு சுரிதார் கெடைக்கலேய்யா ! சுத்தியும் பார்க்க முடியலே. இதுக தொல்லை வேற ! இப்போவே வந்து மூணு மணிநேரம் ஆகப் போகுது . ஒருவழியா மூணாவது மாடியிலே அகழ்வாராய்ச்சி நடத்தி ஒருவழியா ‘புடிச்ச’ மாதிரி கலர்ல ‘புடிச்ச’ மாதிரி மெட்டீரியல்ல ‘ புடிச்ச’ மாதிரி டிசன்லே ‘ புடிச்ச’ மாதிரி வெலையிலே சுரிதார் கெடச்சு போச்சு. அப்பாடா !!!

வாங்கிட்டு கீழே எறங்கி வர்ரப்போ அங்க இருந்த கண்ணாடியில என் முகத்தைப் பார்த்தேன். நெசம்மாலுமே நான் மேலே ஏறுனபோ எப்படி மத்த ஆம்பிளைங்க மொகம் இருந்துச்சோ அதே மாதிரி இருந்துச்சு.

செத்து சுண்ணாம்பாகி அந்து அவலாகி நொந்து நூடுல்ஸாகி வந்தேன். வந்ததுக்கு முருகன் இட்லி கடையிலே நாலு இட்லியும் ஒரு ஆனியன் ஊத்தப்பமும்தான் கெடைச்சது. Beware மக்கா ! நமக்கே இப்படீன்னா கல்யாணம் ஆன பசங்களை நெனைக்கரபோ கண்ணுல கண்ணீர் வரலை அப்பூ ! ரத்தம் தான் வருது. நம்ம அனுபவம் மத்த வளரும் வாலிபர்களுகெல்லாம் ஒரு பாடமா இருக்கட்டும் என்னா?

அண்ணன் பாலபாரதிக்கு இந்தப் பதிவை சமர்ப்பிக்கிறேன் !!!!

Friday, April 21, 2006

ப.ம.க விற்கு பகிரங்க எச்சரிக்கை !


ப.ம.க ( பச்சோந்தி மக்கள் கட்சி ) செல்வங்களே ! எனதருமை உடன் பிறவா சகோதர சகோதரிகளே ! பால்மனம் மாறாமல் உங்களுக்கு நன்மை பயக்கும் செயல்களை மட்டும்தான் செய்யும் நம் தலைமை என மனப்பால் குடித்துக் கொண்டு ஆப்பிரிக்காவிலும் ஐரோப்பாவிலும் அமர்ந்து பின்னூட்டக் கபடியாடிவரும் வலையின் மூத்த குடிகளே சிந்திப்பீர் ! நீங்கள் இருக்க வேண்டிய இடம் ப.ம.க வா?

எங்கே உங்கள் தலை ? பகிரங்கமாகச் சொல்ல முடியுமா உங்களால் ? உங்கள் தலைவரையே அருங்காட்சியகத்தில் தேடவேண்ய அவல நிலையிலிருக்கும் நீங்கள் எங்கே ? இளரத்தம் பாயும் புது வெள்ளமென பாயக்காத்திருக்கும் வீர மறவர் கூட்டமாம் வ.வா.ச எங்கே? இனியும் காத்திருக்க வேண்டுமா ? தேர்தல் போர்ப் பறைகளின் சத்தம் காதைக் கிழிப்பதுபோல் ஒலிப்பது கேட்கவில்லையா? தனியாகக் களம் சென்று கல்லடி பட வேண்டுமா ? இல்லை கூட்டு சேர்ந்து குருதி சிந்தக் காத்திருக்கும் கூட்டம் வேண்டுமா ? சிந்திப்பீர் தோழர்களே !

நிலா தேர்தல் என்றும் நில்லாத தேர்தலென்றும் வரலாற்றுக்கதைகளை பேசிப் பேசி வரும் தேர்தலை மறந்து கெக்கலிட்டுக் கொண்டு கிடைக்கும் சீட்டுகளை கோட்டை விடப்போகிறீர்களா? இல்லை சீறிவரும் காளையாம் பொங்கிவரும் கங்கையாம் கல்லடிபட்டாலும் கழகக் கண்மணிகளின் மேல் படாது தன் முதுகு கொண்டு காத்து நிற்கும் நவீன புலிகேசி அருமை அண்ணன் எங்கள் மன்னன் ‘தல’ கைபுள்ளயின் சீரிய தலைமையில் சமூகத் தொண்டாற்றி வரும் வருத்தப்படாத வாலிப சங்கத்தினரோடு ( வ.வா.ச) கூட்டணியமைத்து கொலகொலையாய் சீட்டுகளை அள்ளப் போகிறீர்களா?

அரேபிய சுல்தான்களிடமும் ருஷ்சிய ஜார் மன்னர்களிடமும் சிக்கிச் சீரழிந்து கொண்டிருக்கும் உங்கள் நிலையை எண்ணி பரிதாபப் படுகிறோம். எங்கள் ‘தல’ இப்படி எங்களை அன்னியர்களிடம் அடிவாங்க விட்டிடுவாரா? ஓடோடி வந்து தன் புறம் காட்டி எங்களகத்தை காத்திடும் மல்கேட்டு கோமான் ! என்ன சீரழிகிறோம் நாங்கள் என்று கேட்கிறீர்களா உடன்பிறவா சகோதரர்களே? பதவிகள் அளித்தாலும் உங்களுக்குரிய மரியாதை உங்கள் கட்சியினரிடையே இருக்கிறதா? இதோ உங்களுக்காக சில சாம்பிள்கள்

அரேபிய சுல்தானாம் பினாத்தலாரின் பதிவிலிருந்து சில துளிகள் :

//ஆரம்பித்த வாக்கியத்தை முடிக்காமலே மூணுபக்கம் சொல்லக்கூடிய நாவன்மை படைத்த ராகவனார் போன்றோர்,

"இன்றைக்கு திங்கக்கிழமை" என்று மட்டுமே பதிவிட்டும், நூற்றுக்கு மேல் பின்னூட்டம் பெறும் திறம் கொண்ட இலவசனார் //

ஏதோ உங்களைப் புகழுவது போல் உங்களைப் பற்றி உங்களிடமே மண்ணை வாரியிரைத்திருக்கிறார். ஒரு பானை சோற்றுக்கு ஒரு பதிவே போதும். வேறென்ன சொல்ல? சிந்திப்பீர் செயல்படுவீர் !

ருஷ்சிய ஜார் மன்னராம் மருத்துவர் அய்யா ராமநாதன் பதிவிலிருந்து சில :
//மாறாய் நம் கட்சிக்குள்ளேயே இருக்கும் செய்நன்றி மறந்த ஓநாய்களைக் கண்டு…//

பாரீர் உடன் பிறப்பே நீ ஓநாயா? சொந்தக் கட்சியினரே ஓநாயென்றும் செய்நன்றி மறந்தவறென்றும் பேச பேச நீ எதையும் தாங்கும் இதயமாக கட்டுண்டு கிடக்க வேண்டிய அவசியமென்னா? தலைவாழை விருந்திருக்க மிச்சம் மீதி எதற்கு? பந்தி விரித்திருக்கின்றோம்.விருந்துண்ண வாரீர் வாரீர்.

சுல்தான்களும் ஜார் மன்னர்களும் உங்களின் சிந்தையறுத்து மூளையை மழுங்கடிக்க வலைவிரித்துக் காத்திருக்கின்றனர் என்றால் அது மிகையாகாது. இன்னும் எத்தனை காலத்திற்கு இந்த கோலம்? வ.வா.ச என்ற சிறுதுளி பெருவெள்ளமாய் மாறும் என்பதில் துளிகூட ஐயமில்லை ! சீக்கிரமே வந்து ஐக்கியமாகுக தோழர்களே ! தலைமை தடுத்தால் தலை கொய்து விடுக ! பொருத்தது போதும் பொங்கியெழு !

உடன் பிறப்பே வா
ஓடோடி வா
பகை வெல்ல வா
பதவி வகிக்க வா
பார் புகழும் வா
நீசர்களை விட்டு வா
நேசக்கரம் கொண்டு அழைகிறோம் வா !

Wednesday, April 19, 2006

தேர்தல் வாக்குறுதி & இறுதி எச்சரிக்கை


தேர்தல் பணிகள் “முன்னால்” அழைத்தாலும் கழகப்பணிகள் “பின்னால்” அழைத்ததால் எம் தலைவன் கைப்பு மேற்கண்ட பணிகளில் இரவு பகல் பாராமல் உழைக்க வேண்டியிருப்பதால் மிச்சமிருக்கும் கண்மணிகளோடு சங்கப்பணிகள் சீராகசென்றுகொண்டிருக்கிறன என்பதனை பெருமையுடன் கூறிக்கொள்கிறேன்.


சங்கத்துப் பெருசுக எல்லாம் கூட்டணி கூடா அணின்னு தொகுதிப்பங்கீட்டுல பிஸியா இருக்கறாங்க ! நமக்குத்தான் ‘கன்யா” குமரி மாவட்டம் நாகர்கோவில் தொகுதிய ஒதுக்கிட்டாங்களே ! தவிர தேர்தல் செலவுக்குன்னு டாலரும் ரூபாயுமா வந்து குவியப்போகுது ! எனக்கென்ன கவலை. ( பழனியில இருந்து முருகன் டாலர்தான் வரப்போகுது போல ! )

தேர்தல்ன்னு வந்தா வாக்குறுதி முக்கியமில்லையா? அதான் இந்தியத் தொலைக்காட்சிகளில் முதன்முறையாக மாதிரி வ.வா.ச சார்பில் முதன்முதலாக நான் தேர்தல் வாக்குறுதிகளை அள்ளித்தெளிக்கிறேன்.

1. தொகுதிவாழ் இளசுகள் அனைவருக்கும் இலவச ஜீன்ஸ் , T-shirt ( இரு பாலருக்கும் ) மகளிருக்கு ஸ்பெஷலாக Levis low rise Jeans . இதற்காக Levis Jeans கம்பெனியுடன் பேச்சுவார்த்தையை கழக கண்மணி சந்தோஷ் மேற்கொண்டு வருகிறார் என்பதனை மகிழ்ச்சியுடன் தெரிவித்துக்கொள்கிறேன்.

2. தொகுதிவாழ் பெரிசுகளுக்கு இலவச பெர்முடாஸ் மட்டும் பேரிளம்பெண்களுக்கு புத்தம் புதிய ராசாத்தி நைட்டிகள் !! ( நைட்டி கம்பெனிகாரங்க எல்லாம் அப்புறமா என்னைய வந்து பாருங்கப்பு )

3. கிலோ ரூ.2 க்கு ஒருகிலோ முந்திரிப்பருப்பு ( எத்தனி காலத்துக்குதான் நம்ம பசங்க கடலையக் கட்டி மாரடிச்சுகிட்டு இருப்பாங்க சொல்லுங்க ?)

4. பிஸ்சாவும் பர்கரும் ஏன் சென்னை பசங்களுக்குன்னு நேர்ந்து விட்டுருக்கா என்ன? என் தொகுதியிலும் மக்களுக்காக ஊருக்கு ஒதுக்குப்புறமாக Cofee Bar மற்றும் பிட்ஸா கார்னர் வைக்க ஆவணசெய்யப்படும் ! ( ஏன் ஒதுக்குப்புறமான்னு பார்க்கிறீங்களா யாருக்கும் யாரலயும் தொல்லை வந்துடக்கூடாதப்பு ! )

5. சங்கத்து சார்பில் தொடைதட்டி ( Laptop ) தரலாமன்னு யோசிச்சதுல கொடுத்தா நிதி நிலைமை Bore போட்டு 1000 அடி ஆழத்துக்கு போகக்கூடிய அபாயம் இருப்பதால் அனைவரையும் ஏமாற்ற விரும்பாத காரணத்தாலும் Lap-Tops ( அதாங்க பெர்முடாஸு ஜீன்சு நைட்டி ) உடனடியாக வீடுதேடி வரும்ங்கறதை அறிவிச்சிக்கிறேன்.

5. தினமும் காலையில் சுடச்சுட உங்கள் இல்லம் தேடிவரும் “இட்லி வடை” ( சங்கத்தின் சின்னமும் அதானே ! ஒரே கல்லில் ரெண்டு மாங்கா ! )
( This programme is brought to you by Bostan Bala )


சரி இப்போதைக்கு போதும் இதுக்கு வரவேற்பு எப்படியிருக்குங்கறதைப் பார்ர்துட்டு சொல்றேன். வேற ஏதும் வேணுமா கண்ணுகளா கூச்சப்படாம கேளுங்க நிறைவேத்திருவோம் !


எச்சரிக்கை :

வ.வா.ச வின் வளர்ச்சியைக்கண்டு பொறுக்காத சிலர் ஏதோ ஆப்பிரிக்காவிலும் ஐரோப்பாவிலும் அவர்கள் கட்சி வெற்றிக்கொடி கட்டிவிட்டதாக ஊளையிட்டுக்கொண்டிருக்கிறார்கள். நம்மை துக்கடா கட்சியென்றும் நேற்று முளைத்த காளான் என்றும் கொக்கரித்துக்கொண்டிருக்கிறார்கள்.அவர்களுக்கெல்லாம் ஒன்றை சொல்லிக்கொள்ள விழைகிறேன். நீங்கள் காங்கிரஸ் கட்சி போல பெரிதாக இருந்தாலும் எங்கள் சங்கம் வளர்ந்த தங்கத்தமிழ்நாட்டில் திராவிட பாரம்பரியத்தில் ஊறித் திழைத்திருக்கும் இம்மண்ணில் வசிக்கும் எங்களின் ஆதவில்லாமல் ஒரு ஓட்டுகூட வாங்க முடியாது என்பதனை என் தலைவன் கைபுவின் மீது ஆணையாகக் கூறிக்கொள்கிறேன். கொடுக்கற சீட்டை சத்தமில்லாமல் பெற்றுக்கொண்டு தேர்தல் பணிகளுக்காக நிதி வசூல் செய்துகொடுத்துவிட்டு கமுக்கமாக இருங்கள் என அன்பாக எச்சரிக்கிறேன்.

தலைவன் கைப்பூ இல்லா நேரத்தில் அல்லும் பகலும் அயராது சங்கப்பணியாற்றி அறிக்கைமேல் அறிக்கை விட்டுக்கொண்டிருக்கும் எங்கள் அன்பு அண்ணன் தேவ் அவர்களை சீண்டிப்பார்க்க நினைப்பவர்கள் வீடுதேடி வருவதற்கு பொருட்களோடு ஆட்டோ காத்துகொண்டிருக்கிறன எனபதனையும் சூசகமாகத் தெரிவித்துக்கொள்கிறேன்.
அப்பு இது யுத்த பூமியைய்யா! ஒரே ரணகளமாயிருக்கும். பார்த்து வாயை விடுங்கப்பு தெர்தா?

Friday, April 07, 2006

நாட்டுக்கட்டை


முன்னுரை :

ஒப்பனிங்கில் திரையில் ஒரு முகம்தெரிகிறது. அந்த முகம் அப்படியே zoom செய்யப்பட்டு வாய்மட்டும் closeupபில் காட்டப்படுகிறது. கர்சீப்பால் வழியும் ஜொள்ளைத்துடைத்துக் கொண்டே பேசுகிறார் ஜொள்ளு பாண்டி. அப்படியே பாரதிராஜாவின் குரலை மட்டும் எடுத்துக்கொண்டு பின்வருவனவற்றை வாசிக்கும்படி தாழ்மையுடன் வேண்டிக்கேட்டுக் கொள்கிறேன்.


என் இனிய தமிழ் மக்களே! கிரமத்துக் கட்டைகளையும் இளம் குட்டிகளையும் கிழங்கட்டைகளையும் கண்டு ஜொள்ளி வந்த இந்த பாண்டியராசா இதோ உங்கள் முன் முதன் முறையாக நாட்டுக்கட்டையைப் பற்றிய என் ஆராய்ச்சியை கூற என் படை பரிவாரத்தோடு வந்திருக்கிறேன். களத்துமேடு , கம்மாக்கரையென பல இடங்களில் அலைந்து திரிந்து, உருண்டு புரண்டு இத்தகவல்களைச் சேகரிப்பதற்குள் என் தாவு தீர்ந்துவிட்டடென்றால் அது மிகையாது ! நாட்டுக்கட்டைகளைப் பற்றிய என் பதிவினை உங்களின் பொற்பாதங்களில் சமர்ப்பிக்கின்றேன்.

இந்தப் பதிவின் நிறையறிந்து குறைகளைந்து உங்கள் முன் விளக்கம் சொல்லும் நேரத்தில் இந்தப் பதிவினை எழுத எனக்கு தார்மீக ஆதரவும் தூண்டலும் தந்த என் இனிய நண்பர் அண்ணன் இளா அவர்களுக்கு என் நன்றிகள் பல,

“ஏங்க நாட்டுக்கடையப் பத்தி எழுதலை ? “ என்று நண்பர் இளா வின் கேள்வி என் இதயத்தில் அம்புபோல் தைத்தது ! ஐயகோ இது என்ன சோதனை ! இப்படி ஒரு சந்தேகத்தோடு நண்பர் இருக்கலாமா? இது என்ன தமிழுக்கு வந்த சோதனை ! இவரின் சந்தேகத்தை போக்குவது பாண்டியனின் கடமையல்லவா ? என்னை நானே ஜொள்ளிக்கேட்ட பொழுது உதித்ததுதான் இந்த “ நாட்டுக்கட்டை !


நாட்டுக்கட்டை ஆம் நாட்டுக்கட்டை. இதற்கு முன்முன் பதிவில் வெறும் கட்டைகளை மட்டும் அறிமுகப் படுத்திய பாண்டிய ராசா இப்பொழுது “நாட்டுக்கட்டை” யைப் பற்றி சொல்லாமல் விட்டு விட்ட தகவல்களை கூற உங்கள் முன் வந்திருக்கிறேன். இந்த வீர ஜொள் பயணத்தில் இத்தனை நாளும் என்னுடன் வந்து என் அட்டகாசங்களை சகித்துக் கொண்டு இப்பதிவினை வாசித்துக்கொண்டிருக்கும் ஜொள் ரசிகப் பெருமக்களுக்கு என் ஜொள்ளுகள் பல!

இந்தப் பூமியை தன் பூஞ்சிறகால் வருடிவிட்டுப் போகும் தென்றலைப் பார்த்திருக்கிறீர்களா? பார்த்திருக்க மாட்டீர்கள். ஆனால் உணர்ந்திருப்பீர்கள்.ஆனால் நீங்கள் கடந்து செல்லும் தடங்களில் தென்படும் கட்டைகளைப் தவறவிட்டிருக்க மாட்டீர்கள் ! ஆம் அக்கட்டைகள் நாடுக்கட்டைகளே ! “ டேய் கட்டையிலே போறவனே ! “ என நீங்கள் திட்டுவது என் காதினில் இன்பத்தேன் போல பாயவேண்டுமெனில் “நட்டுக்கட்டையில போறவனே !”னு திட்டுங்கள்.

இந்தக் கட்டையின் களம் அறிந்து காலம் உணர்ந்து என் உணர்வினை எழுத்துக்களால் வடித்திருக்கிறேன்னென்றால் அது மிகையாகாது !

திமிசுக்கட்டையால் செய்த தேரில் ஏறி உருட்டுக்கட்டையின் துணையுடன் சில கர்லாக்கட்டை சுற்றும் வீரர்களையும் துணைக்கழைத்துக்கொண்டு நாட்டுக்கட்டையெனும் காவியம் படைக்க உங்கள் முன் வந்திருக்கிறான் இந்த ஜொள்ளுப் பாண்டிய ராசா !

சரி சரி பில்டப் ரொம்ப கொடுத்தாச்சு எங்கடா சப்ஜெக்ட்டுன்னு நீங்க கதர்றது கேக்குது,.அப்படியே கண்டினியூ பண்ணுங்க ப்ளீஸ் !

நாட்டுக் கட்டை ஆம் நாட்டுக்கட்டை ! கால காலமாக நம் வாசல் வரை வந்து செல்லும் ஊர்நாட்டுக் கட்டைகளை அறிந்திருக்கிறீர்களா? இதைப் பற்றிய குறிப்புகள் ஆங்காங்கே நம் புலவர்களின் காலம்வென்ற காவியக் கவிதைகளை நாம் சுவாசிக்கும் திரைப்பாடல்களில் அவிழ்த்து விட்ட நெல்லிக்காய் மூட்டைளைப்போல சிதறிக்கிடக்கின்றன. இதைப் பற்றி நம் தமிழ்கூறும் நல்லுலகாம் தமிழ் சினிமாப் பாடலில் ஒரு கவிஞர் இவ்வாரு அழகாக புனைந்திருக்கிறார். தலைவியைப் பார்த்து மையல் கொண்ட தலைவன் பாடுகிறான் பாருங்களேன் என்ன ஒரு சிந்தனை !

“ கட்டையினா கட்டையிது
கடைஞ்செடுத்த நாட்டுக்கட்டை டோய்யா
அடப் போய்யா “

இதைப் பார்க்கும் பொழுது நமக்குத் தோன்றுவது என்ன? நாட்டுக் கட்டையைக் கடைய முடியுமா? நமக்கு தெரிந்ததெல்லாம் தேக்கு, ரோஸ் மரம் தான் கடைய ஏற்றது.ஆனால் இங்கே நம் சமகாலப் புலவர் ( பெயர் தெரியவில்லை ) ஒரு அருமையான சிந்தனையை விஞ்ஞானப் பூர்வமாக விதைத்திருக்கிறார். ஒருவேளை நாட்டுக் கட்டைகள் கடைந்த பிறகு பெயரிடப்படுமா? இல்லை அவை கடையப்பட்டே விளைகிறதா? டமில் ஆர்வலர்கள் விளக்கங்களை தலைவணங்கி வரவேற்கிறேன்.

சரி இக்காலத்தில் தான் இப்படி சங்க காலங்களில் நாட்டுக்கட்டை புலவர்களை எங்ஙனம் பாதித்திருக்கிறது எனபதற்கு அய்யன் வள்ளுவர் கொடுத்திருக்கும் குரலினைப் பாருங்களேன்.

“ உள்ளக் களித்தலும்காண மகிழ்தலும் கள்ளுக்குஇல்
நாட்டுக் கட்டைக்கு உண்டு “

ஆஹா ஆஹா என்ன ஒரு குறள். பாருங்களேன் அய்யன் அய்யன் தான். பார்த்த உடனே மகிழ்ச்சியளிப்பதும் உள்ளத்தில் கிளர்ச்சியளிப்பதும் நாம் அடிக்கும் சரக்கினுக்குக் கூட கிடையாது ஆனால் பார்க்கும் நாட்டுக்கட்டைக்கு உண்டு !
அனுபவித்து எழுதியிருக்கிரார். இதன் மூலம் இரண்டாயிரம் வருடங்களுக்கு முன்பிருந்தே நாட்டுக்கட்டைகள் பலரைப் பலவகைகளில் பதம் பார்த்திருப்பதை உணரமுடிகிறது. ஆனான பட்ட அய்யனே அப்படியென்றால் கேவலம் ஜொள்ளு பாண்டிய ராசா எந்த மூலைக்கு?

ஷாட் ஓகே. கட்.