Monday, February 11, 2008

ஏய்... ஓடிப்போலாமா...?




இந்த பிப்ரவரி மாசம் வந்தாலே நம்ம பசங்க தொல்லை தாங்காதுங்க.. சாதாரண நாள்லயே இந்த காதல் Gadafi க எல்லாம் ச்சும்மா பீச்சு... ஐநாக்ஸ்.. சத்யம் னு தரையிலே காலு படாமா sச்சும்மா சுத்தி சுத்தி ' பல்சர்' ' அப்பாச்சி' ன்னு பிகரோட பிளிறிகிட்டு இருக்காவ.. இதிலே பாவமா இன்னமும் தங்களுக்குன்னு ஒரு ஆளு செட்டாகம இருக்குற பட்டிணத்தார் கோஷ்டி எல்லாம் இவுக கெளப்புற ரவுசைப் பார்த்து இந்தக் காதல் புழுதிய நாமளும் இந்த மாசமாச்சும் கெளப்ப மாட்டமான்னு உள்ளுக்குள்ள ஏக்கத்தோட பார்த்து புழுங்கிட்டு இருக்குறது ஜொள்ளுப்பாண்டியோட மனச போட்டு புழிஞ்சு எடுத்துடுச்சு... பாவம் பசங்க .. வேலண்டைன்ஸ் டே னாலே எல்லாரும் கையிலே ரோஜா பூவோட ஒரு கார்ட்டும் எடுத்துகிட்டு ஏதாச்சும் ஒரு பொண்ணைத் தேத்தறதே வாழ்வின் லட்சியமா சுத்திகிட்டு இருக்காவ.. கமான் காம்ரேட்ஸ்...

முதல்ல இந்த வேலண்டைன்ஸ் டேங்கறதே ஒரு நினைவு நாள் தாங்கோ.. நம்ம ஆளுங்க அன்னிக்கு ரோசா கொடுத்தா பொண்ணு கண்டிப்பா வாங்கி வச்சுபான்னு ஒரு தப்பான அபிப்பிராயத்திலே ஆசையா போய் மானாவாரியா அல்வா வாங்கிகிட்டு சொல்லவும் முடியாம வாங்கின அல்வாவை மெல்லவும் முடியாம சுத்திகிட்டு இருக்காவ..

அப்பூ முதல்ல என்ன பண்ணுங்கோ நீங்க ஒரு பொண்ண பாக்குறியன்னு வைங்க... ஒடனே காதல் பத்திக்குமா என்ன..? அதெல்லாம் நம்ம கிழிஞ்சல்கள், டிராஜேந்தர் பட கால கட்டங்கோ.. இப்போ இருக்குற இந்த ‘ லோரைஸ் லோலாக்கு ’ குட்டிக கிட்டே எல்லாம் இந்த பார்த்த உடனே எல்லாம் காதல் தீய பந்தம் வச்செல்லாம் கொளுத்தவே முடியாதுங்கோ.. முதல்ல அவுக கிட்டே போய் பேசுங்க.. நம்ம சூப்பர் ஸ்டார் ஸ்டைல்ல பழகி பாருங்க... அப்போதானே நீங்க எப்படின்னு அவியளுக்கும் அவிய எப்படின்னு உங்களுக்கும் தெரியுவரும்..?

இப்படி முன்ன பின்ன தெரியாத (பார்த்தா தெரியரது இல்லீங்க கண்ணுகளா..!!! ) பொண்ணுககிட்டே போய் பொசுக்குன்னு நீங்க கார்டையோ ரோஜாவையோ எடுத்து நீட்டுனா ஆஹா கெடச்சுதுடா நமக்கு ஒரு அழகான ரோஜானு வாங்கிக் ஹேண்ட் பேக்கிலே வெச்சுகிட்டு ரோசா கொடுத்த ராசா யாருன்னு தெரியாம எஸ்ஸாய்டும்.. இப்படித்தான் போன வேலண்டைண்ச் டேக்கு நம்ம தோழி வந்து என்கிட்டே ஒரு டசன் ரோஜாவை எடுத்து காட்டி இவ்வளவும் வீடிலே இருந்து இங்கே வர்றதுக்குள்ள கெடச்சுதுடா பாண்டின்னு சொல்லுச்சு.. ஏம்மா எவன்னே தெரியாதே எதுக்கு வாங்கினேன்னு கேட்டா.. அட ரோசா எவ்ளோ அழகா இருக்கு பாவம் பய இந்த ஒரு நாளாச்சும் சந்தோசமா இருக்கட்டும்னு அசால்டா சொல்லுது.. நம்ம பசங்க மட்டும் என்ன இளிச்ச வாயங்களா என்ன.. ஆளாலுக்கு ஒரு டசன் ரோஜா வையும் பேர் எழுதாத கார்டுடையும் ஸ்பேர் பார்ட்ஸ் மாதிரி வாங்கி வச்சுகிட்டு போற வர்ற பொண்ணுக கிட்டே எல்லாம் ஏதோ பிட் நேட்டீஸ் கொடுக்கர ரேஞ்சுக்கு கொடுகறதே வேலைன்னு வெளுத்து வாங்கிகிட்டு இருக்காவ..

அட எப்படியோ காதல் தீ கண்ண பின்னானு பத்திகிட்டு கொழுந்துவிட்டு எரிய ஆரம்பிச்சுடுச்சு ... என்ன பண்ணலாம்..? எப்படி மடக்கலாம்..? ன்னு கேட்குறீயளா..? மடக்கிபோட அவுக என்ன பைக் சைடு ஸ்டேண்டா என்ன? முதல்ல இந்த வேலண்டைஸ் டேக்கு தான் ப்ரபோஸ் பண்ணுவேன்னு அல்ப தனமா நெனச்சுகிட்டு இருகாதீகப்பு.. தீபாவளி அன்னிக்கு ரிலீஸ் பண்ண இது சூப்பர் ஸ்டார் படமா என்ன..? தவிற அன்னிக்கு ஏராளமா படம் ரிலீஸ் ஆகறதிலே உங்க படம் எதுன்னு தனியா தெரியாம போய்டுங்கோ.. சோ முதல்ல ப்ரொபோஸ் பண்ணரதுக்கு முன்ன கொஞ்சமாச்சும் அவுக கிட்டே பேசிப்பழகுங்க... எடுத்த உடனே கார்ட் எடுத்து நீட்டுனன அவ்ளோதான் ஓஓஒ இவன் ஏதோ ‘ துள்ளுவதோ இளமை ‘ கோஷ்டின்னு பிகர் ஹேர்பேண்ட்டை பிச்சுகிட்டு ஓடக்கூடிய சான்ஸ் ப்ரகசமா இருக்கு பார்த்துக்குங்க... நீங்க என்னமோ தெய்வீக காதல்ல தஜ்மகாலையே உங்க மனசிலே சொமந்துகிட்டுதான் இருப்பீக ஆனா அது உங்க காதல்கிளிக்கு தெரியாது இல்லையா...?? அதான் கொஞ்ச நஞ்சமாச்சும் அவுக மனசிலே என்ன இருக்குன்னு தெரிஞ்சுகிட்டு கியரைப் போடுங்கப்பு.. இல்லாட்டி வண்டி வீலிங் ஆகி ஆரம்ப கட்டத்திலேயே கவுந்துரும் ஜாக்கிரதை... அப்புறம் வுழுந்து வாறிகிட்டு முட்டி பேந்துருச்சு மனசு ஒடஞ்சிருச்சுன்னு குவாட்டர் தாடியோட டயலாக் வுட்டு,கிட்டு இருக்குறதுல அர்த்தமே இல்லை...

" அட இவ்ளோ சொல்லிகிட்டு இருக்கேன் எங்கே ஓடுறீய..? "

...........................................................................................
" என்ன உங்க ஆளு வந்துட்டடளா.. அவளைப் பார்க்க ஓடுறீயளா..? "

............................................................................................................
" அட அந்த ரோசாப்பூவ வச்சுட்டு போங்கப்பூ... "

...........................................................................................................
" என்ன வச்சுட்டு போன நான் எடுத்துக் கொடுத்து தேத்தீடுவேனா..?
அடங்கொக்க மக்கா இதெல்லாம் நெம்ம ஓவரு... "

..........................................................................................................
" சரி அப்போ ‘ பேண்ட்’ டையாச்சும் போட்டுகிட்டு போங்கப்பூ.. இப்படி
பெர்முடாஸோட ஓடுனா எப்படி..? "



ஐய்யய்யோ........ திருத்தவே முடியாது போல இருக்கே...!!!!