Tuesday, May 27, 2008

ஸ்கூட்டி Beauty...






நீங்க அப்படியே பைக்ல நிதானமா ட்ராபிக்கை நொந்துகிட்டே போய்க்கிட்டு இருக்கீங்க.. எவ்வளவு நேரந்தான் இப்படி இத்துப்போன ட்ராபிக்ல மனசு நொந்து போய் க்ளச்சைப் புடுச்சு கியரை மாத்திகிட்டு இருப்பீக..? ஒரு சுவாரஸ்யம் வேணாமா..? அப்படியே குதிரைக்கு சேணம் கட்டின மாதிரி ரோட்டை மட்டும் பார்க்காம அப்படியே பைக் ‘கேப்’ புல பார்த்தீங்கன்னா சும்மா கூந்தல் அலைபாய ஒரு ஸ்கூட்டியோ இல்லை ஹோண்டா ஆக்டிவாவோ உங்க முன்னாடியோ சைட்லயோ நிக்கும்.. பார்த்த உடனே மனசு ‘சல்சா” ஆடிகிட்டு இருக்கும்.. அப்படியே அந்த வண்டிய நீங்க Follow பண்ணுனீங்கன்னு வைங்க அப்புறம் ரோட்டிலே உங்க பைக் பயணம் உய்யலாலா தான்... அடிக்கற வெயி்லு ட்ராபிக்கு எல்லாம் மறந்து போய் ' "குய்ய்யோ " னு ஒரு feel பண்ணுவீங்க பாருங்க.. ஆஹா... அதெல்லாம் அனுபவிச்சாத்தான் தெரியும்..

ஆனா திடுதுப்புன்னு ஒரே நாள்ல நீங்க இந்த வித்தைய கத்துகிட முடியாதுங்கோவ்.. சில டெக்னிக்ஸ் இருக்கு.. அதைய அனுபவப்பூர்வமா பல பேருகிட்டே இருந்து கஷ்ட்டப்படு கத்துகிட்டு உங்களுக்கு tips களை அள்ளித்தெளிப்பது உங்கள் பாண்டி... ( கேப்ல நாங்களும் பிட்டை போடுவோம்ல..)

இந்த ஸ்கூட்டி குட்டிக இருக்காவளே அவிய எல்லாம் நம்ம நரேன் கார்த்திகேயன் தங்கச்சி ரேஞ்சுக்கு சும்மா ஆக்ஸிலேட்டரை முறுக்கி புடுச்சாங்கன்னா கூட வர்ற வண்டிகள எல்லாம் பிரிச்சு பின்னாடி தள்ளிட்டு ராக்கெட்டு கணக்கா பின்னாடி வர்ற உங்க முகத்திலே புகைஅடிச்சுட்டு "அல்பமே" னு ஒரு லுக்கோட உங்களை ரியர் வ்யூ மிரர்ல நக்கலு விக்கலோட பார்ப்பாங்க பாருங்க.. அப்போ நீங்க மனசு ஒடஞ்சு போய் ஒரமா 3ட் கியர்ல வண்டில வாக்கிங் போகக்கூடாது கண்ணுகளா.. வரணும்... வீரம் வரணும்!!!! கொஞ்சமாச்சும் வண்டில படம் போடனும் Boss... எப்படின்னு கேட்க்குறீயளா..? அதுக்கு முன்ன உங்க வண்டி கண்டிஷனா இருக்கானு பார்த்துகறது நெம்ப முக்கியம்... உங்க வண்டிய பேரிச்சம் பழக்காரங்க எல்லாம் காதலோட சுத்தி சுத்தி வர ரேஞ்சுக்கு இருந்தா இந்த ஸ்கூட்டி சேஸிங்கை இப்போவே மறந்துட்டு ஓரமா நின்னு எளநியோ ஜிங்ஞ்சர் பீர் ரோ குடிச்சுட்டு நடையக்கட்டுங்கப்பூ...

நம்ம பொண்ணுக எல்லாம் சரியான வெவரங்க.. ஏதோ ஒரு பையன் ஃபாலோ பண்ணறான்னு தெரிஞ்சா போதும்.. ஓவர் ஸ்பீடுல பொளந்து கட்டுவாக.. நீங்களும் மாட்டு வாலைப் புடிச்சு திருகி ரேக்லா ரேஸ்ல ஒட்டுற மாதிரி உங்க பைக்கோட ஆக்ஸிலரேட்டரைத் திருகி அய்யோ அம்மானு பைக் கதறக் கதற உயிரக் கொடுத்து ஒட்டிகிட்டு இருப்பீக.. அப்போதான் நம்ம அம்மணிக தங்களோட 7th sense ஐ பயன் படுத்தி நீங்க பக்கத்திலே வர்றப்போ ஸ்குட்டியோட ஸ்பீடை கபால்னு ரொம்ப கம்மி பண்ணுடுவாங்க.. நீங்க உடனே உங்க பைக்கை நிறுத்த முடியாம அவுகளை முந்திகிட்டு போய்டுவிகளா..? அப்புறம் அவ்ளோதான்.. நீங்க வண்டிய நிறுத்தி உருட்டிகிட்டு போனாலும் உங்க கண்ணுல சிக்க மாட்டாவ. மறந்து கூட உங்க வண்டிய ஓவர் டேக் பண்ண மாட்டாகளே!!!

அதுக்குத்தான் ஒரு நிதானமான வேகம் இருக்கணும் உங்ககிட்டே.. உணர்ச்சி வசப்பட்டு வண்டிய முறுக்கினா இப்படி பிகரை கோட்டை விட்டுட்டு “அடடா வடை போச்சே “ னு வடிவேலு கணக்கா ஓரமா நின்னு புலம்பலை போட்டுகிட்டு இருக்கணும் .. இல்லை நம்ம ட்ராபிக் சார்ஜெண்ட் கிட்டே ஓவர் ஸ்பீடுன்னு தெண்டம் கட்டணும் பார்த்துக்கோங்க.. ஆனா இந்த சார்ஜெண்டுகளுக்கு நம்ம பசங்க இப்படி ‘பிய்ய்யோ’ னு வண்டி ஓட்டுறது தாங்க கண்ண உறுத்துது.. ஆனா இந்த பொண்ணுங்க வாலண்டினா ரேஞ்சுக்கு ரோட்டுல ராக்கெட் வேகத்துக்கு வண்டிய ஓட்டுனா ஏதோ இவுக சானியா மிர்சா அக்கா ரேஞ்சுக்கு ரசிச்சு பார்க்க வேண்டியது.... அதுகளை நம்ம சார்ஜெண்டுக புடிச்சா கூட “ சாரி சார் “ னு ஹஸ்கி வாஸ்ய்ல நம்ம சார்ஜெண்டுகளோட மனச க்ளீண் போல்ட் ஆக்கிட்டு அப்பீட் ஆய்டுறாங்க..என்ன பண்ண? எல்லாம் ஜொள்ளு மயம்...

ஆனா பார்த்துக்கோங்கப்பூ இதெல்லாம் நீங்க ஆபீஸ் போறதுக்குள்ள ஒரு சின்ன குஜால்ஸுக்குத்தான்... அப்படியே பார்த்தமா பதமா ஃபாலோ பண்ணுனமா ஆபீஸை ரீச் பண்ணுனமான்னு நல்ல புள்ளைகளா இருக்கணும் இந்த சுவாரஸ்யத்திலே உங்க வேலைய மறந்து போய்டாதீக...

இப்படித்தாங்க ஒருதடவை நான் பாட்டுக்கு தேமேனு வண்டிய ஓட்டிகிட்டு இருந்தேன்.. திடீர்னு பின்னாடி ஒக்கார்ந்துகிட்டு இருந்த என் ப்ரெண்டு “டேய் மச்சான் சீக்கிரம் அந்த பஸ்ஸ follow பண்ணுடா அதுல உகார்ந்துகிட்டு இருக்குறது என் ஆளு மாதிரி தெரியுதுடானு “ அடித்தொண்டையிலே இருந்து FM ஜாக்கி மாதிரி அலர்றான்.. நமக்குத்தான் இந்த காதல் பொறா வா இருக்குறது ஒரு வீக்னெச் ஆச்சே.. உடனே நம்ம வண்டிய அப்படியே கியரை டவுன் பண்ணி ஆஃப் க்ளச் புடுச்சி ஒரு முறுக்கு முறுக்கி ‘வீலிங்’ பண்ணிட்டு கஷ்ட்டப்பட்டு பஸ்சைப் புடிச்சிட்டு அப்படியே அவன் ஆளு இருக்குர பக்கமா வண்டிய புஃல் ‘த்ராட்டில் ‘ல விரட்டிகிட்டு போறேன். திடீர்னு எங்கயோ இருந்து வந்த வில்லப்பய வண்டி நம்ம வண்டியிலே வந்து மோதி ‘ பப்பரக்கா’ னு ரெண்டு பேரும் ரோட்டிலே விழுந்து சில்லறை பொறுக்கிட்டு இருக்கோம்,.. நம்ம பய அப்பத்தான் சொல்லறான் ‘ மச்சான் அது என் ஆளு இல்லைடா.. ஆனா நாம விழுகறதைப் பார்த்து ரெண்டு கன்னத்திலையும் கைய வச்சு அய்யோனு ஒரு பார்வை பார்த்தா பாரு... அஹா சூப்பருடா.. !! “ இவனையெல்லாம் என்ன பண்ண சொல்லுங்கப்பூ...???!!!!